Convocado o II Premio Xosé Neira Vilas de Literatura Xuvenil, dotado con seis mil euros e con prazo ata o 15 de xaneiro de 2026 para a recepción das obras.
En prol de estimular a creación literaria, fomentar a lectura en lingua galega e proporcionar ao público xuvenil obras de calidade que o acheguen aos mundos da ficción e da imaxinación a Fundación Xosé Neira Vilas e a Editorial Galaxia convocan a segunda edición deste premio de novela.
Os obras deberán ser inéditas e non premiadas en ningún outro certame. Os orixinais presentaranse escritos en lingua galega cunha extensión entre os 120.000 e 200.000 caracteres, baixo lema e sen datos que identifiquen ao autor. A presentación, en papel e formato PDF, farase na sede administrativa da Editorial Galaxia, no número 71 da Travesía de Vigo na cidade de Vigo.
Haberá unha única obra gañadora cun premio de seis mil euros, suxeitos aos correspondentes impostos. Porén, se o xurado o considera oportuno, poderase destacar unha obra como finalista e recomendar a súa publicación facendo público o título e autoría. Se o xurado estimase que as obras non acadan unha calidade literaria suficiente o premio poderase declarar deserto.
Para más información consultar as bases publicadas pola Fundación Xosé Neira Vilas publica https://www.neiravilas.gal/index.php/gl/premios/premio-neira-vilas-de-literatura-xuvenil ou pola Editorial Galaxia https://editorialgalaxia.gal/convocase-o-ii-premio-xose-neira-vilas-de-literatura-xuvenil/
