Nacemos para escribir...
...a nosa historia!
escribir axuda a
.
Somos unha asociación cultural sen ánimo de lucro co obxectivo principal de promover desde Galicia actividades de escritura entre persoas con inquietude por escribir.
Buscamos animar a creación de contidos e obra literaria poñendo en valor a cultura de Galicia e, en particular, o uso do idioma galego.
A quen nos diriximos
Con carácter xeral a toda persoa que mostre afección, interese e inquietude por escribir, teña obra publicada ou non.
En especial ás que non se dedican profesionalmente a escribir, isto é que non obteñen ingresos da súa obra ou o que obteñen (premios, bolsas, regalías, pagos en especie etc.)/ etc.) é puntual e accesorio no seu sustento económico e financeiro. Tamén a escritores profesionais dispostos a compartir as súas experiencias e inquietudes. En todo caso, persoas comprometidas con Galicia xa sexa promovendo o uso do idioma galego ou poñendo en valor o patrimonio social, cultural e natural de Galicia con independencia do idioma que utilicen.
A nosa intención é conformar unha comunidade de coñecemento compartido en prol de desenvolver a aprendizaxe de técnicas de escritura, fomentar a creatividade e elaboración de contidos e promover a publicación e divulgación de obra literaria en Galicia.
Que pretendemos
Animar e promover actividades de escritura para o desenvolvemento da creatividade, o pensamento crítico, as habilidades de comunicación, a aprendizaxe de coñecementos, as relacións entre autores e a creación de obra literaria.
Motivar e axudar a superar limitacións na escritura.
Servir de punto de encontro de autores para intercambiar puntos de vista.
Dar visibilidade á obra de escritores asociados, en especial os noveis.
Animar e promover a creación de obra literaria en Galicia.
Animar e promover o coñecemento da cultura galega coa creación literaria.
Defender o respecto á liberdade de expresión.
Divulgar os valores propios da literatura e da lectura en xeral.
Fortalecer e promover a lectura en galego e da obra editada en Galicia.
AUTORES ASOCIADOS
PUBLICACIÓNS
ACTIVIDADES
SERVIZOS
Últimas publicacións
Convocado o II Premio Xosé Neira Vilas de Literatura Xuvenil, dotado con seis mil euros e con prazo ata o 15 de xaneiro de 2026 para a recepción das obras
Convocado o II Certame Literario Jaime Olmedo Limeses de novela e relato infantil, co que se busca impulsar a literatura galega contemporánea e fomentar a escrita en galego entre o público infantil e xuvenil.
A ASOCIACIÓN LETRA ESCRITA xorde no MARCO de Vigo co compromiso de animar e promover actividades de escritura entre persoas con afección, interese e inquietude por escribir, teña obra publicada ou non, poñendo en valor a cultura de Galicia e, en particular, o uso do idioma galego
Agradecemos a colaboración de
CLUB PEÑA TREVINCA
Asociación deportiva sen ánimo de lucro, adicada basicamente aos deportes de montaña, escalada e actividades ao aire libre tanto dentro coma fóra de Galicia. Fundada en 1944 ten a súa sede na cidade de Vigo. Agradecémolo apoio e a acollida que, dende o primeiro momento, nos prestaron.