A quen nos diriximos
LETRA ESCRITA é un espazo compartido para promover a escritura e a creación de obra literaria en Galicia xa sexa promovendo o uso do idioma galego ou poñendo en valor o patrimonio social, cultural e natural de Galicia con independencia do idioma que utilicen.
A nosa intención é conformar unha comunidade de coñecemento compartido en prol de desenvolver a aprendizaxe de técnicas de escritura, fomentar a creatividade e a elaboración de contidos e promover a publicación e divulgación de obra literaria en Galicia.
Socios numerarios
Alcance
Calquera persoa física, con plena capacidade de obrar, que mostre afección, interese ou inquietude por escribir, teña obra publicada ou non, que estea comprometida coa creación de obra literaria (escritores, ilustradores, tradutores, deseñadores, etc. afeccionados, noveis e profesionais)
Tamén poderán asociarse menores maiores de dezaseis anos, co consentimento documentado dos seus pais ou titores legais.
Proceso de admisión
- Solicitude previa por escrito dirixida á Xunta Directiva, manifestando a súa vontade de participar activamente na consecución dos fins da asociación, se é posible, acompañada dun memorandum da actividade literaria realizada.
- Avaliación e acordo de admisión da Xunta Directiva.
- Ratificación de admisión da Asemblea Xeral.
Dereitos
- Participar nas actividades da asociación
- Asistir, participar e exercer dereito a voto nas decisións da Asemblea xeral.
- Formar parte dos órganos de goberno e asumir a representación da asociación.
- Coñecer os estatutos, regulamentos e normas de funcionamento interno da asociación, así como a situación económica e financeira.
Obrigas
- Compartir os fins da asociación e colaborar para a súa consecución
- Pagar as cotas, derramas e achegas que se establezan.
- Acatar e cumprir os acordos validamente adoptados polos órganos da asociación.
- Aceptar e acatar o cumprimento dos estatutos, regulamentos e normas de funcionamento interno que se establezan.
Mentores e mecenas
Alcance
Son mentores calquera persoa física ou xurídica relacionada coa creación literaria que contribúa achegando coñecemento e experiencia ás actividades que organice a asociación.
Son mecenas calquera persoa física ou xurídica que contribúa de forma notable, habitual e desinteresada no sostemento económico da asociación.
Proceso de admisión
- Invitación da Xunta Directiva, previo recoñecemento da Asemblea Xeral.
- Aceptación do asociado mentor ou mecenas.
- Ratificación de admisión da Asemblea Xeral.
Dereitos
- Participar nas actividades da asociación.
- Asistir e participar sen dereito a voto nas decisións da Asemblea xeral.
Obrigas
- Compartir os fins da asociación e colaborar para a súa consecución coa contribución que corresponda á súa condición.
Colaboradores
Alcance
Son colaboradores calquera persoa física ou xurídica que non se atope agrupada noutra clase que axuden ao desenvolvemento dos fins da asociación.
Proceso de admisión
- Previa solicitude ou a invitación da Xunta Directiva.
- Aceptación do asociado colaborador.
Dereitos
- Participar nas actividades da asociación.
- Asistir sen dereito a voz nin voto nas decisións da Asemblea xeral.
Obrigas
- Compartir os fins da asociación e colaborar para a súa consecución achegando a axuda que corresponda.