ephemeris (2026)

Descripción

EPHEMERIS é unha recompilación de doce achegas desinteresadas construídas co celme de palabras de estilo propio, coas que cada escritor enfeitiza os sentidos deixando o regusto da reflexión. Achegas en galego e castelán nas que cómpre subliñar o compromiso dos autores que, sendo de fóra de Galicia e escribindo en castelán, fixeron o esforzo de achegar os seus textos en galego. Agora correspóndelle ao lector, como procurador de historias, atopar os tesouros que se agochan entre liñas que, a boa fe, seguro haberán de sorprendelo.

LETRA ESCRITA é un espazo de encontro orientado a escritores amadores, teñan obra publicada ou non, co obxectivo de animar e promover a creación de obra literaria en Galicia e en galego, polo que intentamos axudar ao asociado a desenvolver as súas habilidades e, no seu caso, apoiarlle e darlle visibilidade aos contidos que cree.

EPHEMERIS é un proxecto de LETRA ESCRITA enfocado á publicación anual dun libro de relatos, poemas, ilustracións e fotografías elaborados polos asociados con motivo do Aniversario da Asociación.

Participan nesta primeira edición do proxecto

• Verónica S. Suárez co poema «28 de maio de 2014«
• Gabriel Romero co relato «Hipertempo«
• Teresa Grande co relato «Por natureza«
• Fernando Sancho co relato «O segredo de Navia«
• Beatriz Liz de Cea co relato «Viaxe de ida e volta«
• Liliana Monetti co relato «Protocolo de deshumanización«
• Javier Corbacho co relato «Feito doutra pasta«
• María Soaje cos relatos «Aniversario dun comezo» e «Aniversario dunha aprendizaxe«
• Mikius Mora co relato «La caída de las banderas«
• Julieta Rojo co relato «El aniversario«
• Juan Carlos Tarragó «Épica en el Gran Sol«
• Roberto Penas Mariño «Segunda oportunidad. Esquelas, obituarios y otras necrológicas«