Javier Corbacho

Nado en Ourense en 1968, diplomado en Ciencias Empresariais pola Universidade de Vigo na especialidade de contabilidade e auditoría, exerce como profesional no ámbito da consultoría empresarial e da docencia para o emprego.

Empezou a escribir motivado pola preocupación en mellorar a narrativa nos textos que elabora para materiais didácticos e documentos técnicos co fin de facilitar a comprensión polo destinatario. A aprendizaxe de técnicas de escritura asentaron a paixón pola escrita, en particular de relato curto en galego, espertando o compromiso coa posta en valor da súa lingua materna.

Afeccionado á fotografía, o deseño gráfico e a informática en 2024 autopublicou «Bicos de Mortequilla«, unha escolma de dez relatos curtos e dous microrrelatos nos que a Morte está omnipresente sen seren relatos de terror.